" Je m'éveille le matin avec une joie secrète, je contemple la lumière avec ravissement et tout le reste du jour je suis content "
Montesquieu

Ma nouvelle vie à Lîdge

dimanche 9 février 2020

Georges Brassens - La Mauvaise Réputation accompagné du texte en wallon







Li måle réputåcion.

Tchanson d’a Georges Brassens.

Å vièdje sins prétincion
Dj’a-st-ine måle réputåcion
Qu’dji m’ rimowe ou qui dji d’mane keû
Dji passe po on bardouheû !
Dji ni fêt portant di twért a pèrsone
Tot sûvant mi vôye di pitit bouname
Mins lès bråves djins n’inmèt nin qui
L’on sûve ine ôte vôye qui zèls,
Mins lès bråves djins n’inmèt nin qui
L’on sûve in ôte vôye qui zèls,
Tot li monde kidjåze sor mi
Såf lès mouwês, n’ sèpèt moti.

Li djoû dè vint-onk djulèt
Dji d’mane divins mi lét doulièt
Li muzique qui rote å pas,
Çoula c’èst po lès marlatchas
Dji ni fêt portant di twért a personne
Tot ni hoûtant nin li clêron qui sone
Mins lès bråves djins n’inmèt nin qui
L’on sûve ine ôte vôye qui zèls,
Non lès bråves djins n’inmèt nin qui
L’on sûve ine ôte vôye qui zèls,
Tot li monde mi mosteûre dè deût
Såf lès pougnotes, i n’on nin d’ deûts.

Si dj ‘creûh’lêye on pôve må-sègnî
Porsûvou par on d’mèy cougnî
Dj’ mète li pate èt poqwè li têre,
Li d’mèy cougnî s’ ritroûve al tére
Dji ni fêt portant di twért a pèrsone,
Tot lèyans filer l’ ci qui hape des pomes
Mins lès bråves djins n inmèt nin qui
L’on sûve ine ôte vôye qui zèls,
Mins lès bråves djins n’inmèt nin qui
L’on sûve ine ôte vôye qui zèls,
Tot li monde si hine sor mi
Såf lès cous-d-jate, i sont trop p’tits.

Nin dandjî d’èsse Jérémie
Po d’viner çou qu’dji va dim’ni,
S’i trovèt ine cwède bin fwète
I vont m’èl passer al hanète
Dji ni fêt portant di twért a pèrsone
Tot sûvant lès vôyes qui n’ vont nin a Rome,
Mins lès bråves djins n’inmèt nin qui
L’on sûve ine ôte vôye qui zèls,
Mins lès bråves djins n’inmèt nin qui
L’on sûve ine ôte vôye qui zèls,
Tot l’ monde vinrèt m’ vèyî pindou
Såf lès aveûles, bin ètindou.

                                                                            Traduction : José-Louis Thomsin

1 commentaire: